Tapiissuterpassuit

Kultureqarnermut Ilinniartitaanermut Ilisimatusarnermut oqaluffeqarnermullu naalakkersuisup Tommy Marøp Tipsernermi Lottornermilu iluanaarutinit tapiiffigineqarnissamik qinnuteqaatit akuersissutigai.
maajip 30-at 2008 07:13

Taamaalillunilu qinnuteqartunit 29-iusunit 14-t tapiiffigineqartussanngorput. Tapiissutigineqartussallu katillutik 752.000 koruuniupput. Tapiissutit ilaat 2000 koruuniniit 125.000 koruuninut akuersissutigineqarput.

Aammattaaq Nuna Fond-i 2008-mut aningaasanik agguaassivoq. Nuna Fonde-mut qinnuteqartut 152-t akornanni 98-t tapiiffigineqarput, tapiissutigineqartullu katillugit 7,6 mio. koruuniupput.

Ilaatigut tapiiffigineqarput Kalaallit Nunaanni assammik arsartartut kattuffiat aammalu Tae Kwon Do-mik unammiartortartut, taakku immikkut tamarmik checkimik 1 mio. koruunimik ukiut marluk ingerlaneranni atugassaannik taperneqarput. Tassa imaappoq 2008-p ingerlanerani 500.000 koruunit atussavaat aappaagulu 2009-p ingerlanerani aamma 500.000 koruunit atussallugit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq