Tamatta 30 koruuninik Haitimut tunisivugut
Haitimi nunap sujunnerani eqqugaasunut aningaasat katersorneqartut 1,5 millioni koruunit Kalaallit Røde Korsiani siulittaasup Tove Blidorfip tulluusimaarutigeqai. Nunatsinni innuttaasut tamarmik inoorlaamiit utoqqarmut agguaqatigiissillugu 30 koruuninik tunissuteqarput.
Allattoq Jaaku Lyberth
marsip 17-at 2010 10:42
Taamaakkaluartoq Haitimi innuttaasut amerlasuut nerisassaqanngillat. Haitimi innuttaasut affai sinnerlugit naammattunik nerisassaqanngitsut, Naalagaaffiit Peqatigiinnit nassuerutigineqarpoq.
Haitimi apriilip qaammataani sialussuarnissaa sioqqullugu juunillu qaammataani anorersuartalernissaa sioqqullugu, innuttaaasut tuperni maannakkut najugaqartut ikiorniarlugit pilersaarusiortoqarpoq.
Nunap sajunnerata kingorna aseruatitersimasut ukiut pingasut tulliuttut sanaartorneqarnissaannut 62 milliardit koruunit atorfissaqartinneqartut, Naalagaaffiit Peqatigiit naliliipput.
Nunap sajunnerani inuit 220.000-it ajunaarput, aamma inuit taama amerlatigisut angerlarsimaffeqanngillat, DR-ip nittartagaani taama allaaserisaqartoqarpoq.
