TAMASSA nutartigaq

Ataasinngorneq septemberip 9-iat aallarnerfigalugu TAMASSA ininit nutaanit kiisalu kiinaq nutaaq suleqatigalugu aallarteqqissaaq.
Allattoq Nutaarsiassaqartitsivik / Nyhedsredaktionen
septembarip 04-at 2013 12:43

- Tusagassiortunngorlaaq Per Andersen aaqqissuisoqarfimmi suleqataalerpoq ArnánguaK Lyberth-ilu peqatigalugu aallakaatitassiami takuneqarsinnaalissalluni, TAMASSA-mi aaqqissuisoq Heidi Møller oqaluttuarpoq.

Tamassap pisarnermisut sammisani oqitsumik, paasissutissiinermik, oqallissaarinerpalaartumik, isummassarsinartumillu saqqummiuttassavai. TAMASSA inimi nutaami immiunneqarlissaaq.

- Katuami immiussisarallaratta piffisaq nukipparujussuillu atortarsimavagut immiussivissap piareersarneranut kingornatigullu inip isikkuatut utertinnissaanut. Maanna inip nutaap periarfissippaatigut aalajangersimasumik immiussisarfeqarnissatsinnik, Heidi Møller oqarpoq.

Init nutaat maannamiit Tamassap immiunneqarfigiligai taakkuupput utaqqiisaasumik KNR-ip najugariligai Issortarfimmut 1-miittut, oquk pissutigalugu KNR-ip illorsua aaqqisuisoqarfinniit qimanneqartariaqarnikuummat.

TAMASSA aallakaatinneqartassaaq ataasinngornikkut, pingasunngornikkut tallimanngornikkullu nalunaaqutaq 19:30 taavalu aqaguani nalunaaqutaq 20:30.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq