- Isumaqarpugut avannaani soqutiginartorpassuarnik pisoqartartartoq, taakkualu aamma innuttaasunut saqqummiunneqartariaqartut, Poul Krarup, SermitsiaqAG-mi aaqqissuisoq, Nuuk Reklame A/S-ilu sinnerlugu avannaani aviiseeqqamik – Tamanut Avannarlermik novembarip arfineq aappaani saqqummeqqaartussamut suliniuteqartoq oqarpoq.
Poul Krarup-imi isumaqarpoq avannaani innuttaasut ulluinnarni ajornartorsiutiminnik tusarliussinissaminnut periarfissakippallaartut.
- Aviiseeqqap 25 imaluunniit 50 procentia allaaserinninnernik imaqartassaaq, quppernerillu sinneri piseqqusaarutinik imaqartassapput. Aviiseerarmi piseqqusaarutinik imminut napatittussaavoq, Poul Krarup oqarpoq.
Aviiseeqqami Tamanut Avannarlermi aaqqissuisussaq Ilulissani najugaqarpoq, soorlu aamma piseqqusaarutinik suliaqartussaq Ilulissaninngaanneertuussasoq.