TALLIMANNGORNERSIUTISSAQ Hans Jukkup Lettermanip pisarnera ingerlateqqippaa

Tv-qarfiup NBC-p aallakaatitassiaani Late Nightimi CBS-llu aallakaatitassiaani The Late Showimi ukiuni 33-ni aallakaatitassiortarnermini Lettermanip aallaqqaasiutigalugu nunarsuarmi pissutsit sammisarpai, tusaamasarpassuit pulaartorisarpai nipilersortartorpassuillu aamma tusarnaartitsisarlutik. Maannali 68-inik ukioqalerami soraarninngorpoq.

Nunatsinni tv-kkut aallakaatitassiami aqutsisortarput, Hans Jukku Noahsen, qujanartumik taama utoqqaatiginngilaq Piggappaallu aatsaat sukaruttulerluni. Taamaammat Hans Jukkup aallakaatitassiaanik kingullermik isiginnaagassinnak aallakaatitaata siullersaannik isiginnaagassikkusuppatsigit - taannalu siorna septembarip pingajuani aallakaatinneqarpoq, Mike Fencker Thomsenilu pulaartuisa siullersaraat.

Videomik arlaannik tallimanngorpat tullianut piukkussaqaruit, taava webredaktion@knr.gl-imut allaffigisigut.
 

Læs også U2 overrasker newyorkere