Talibanit NATO-p sakkutuuinit saassunneqarput
Sakkutuut Nunat Killiit Illersoqatigiiffianni NATO-meersut Afghanistanimi sakkutuut peqatigalugit talibaninik saassussimmata, sakkutuut nunanit allaneersut tallimat toqutaapput.
Allattoq Mads Lynge
februaarip 13-at 2010 13:56
NATO-p sakkutuui Afghanistanimiullu sakkutuui Nunap immikkoortuani Helmandimi saassussipput. Nutaarsiassaqartitsivik Ritzau taama allaaserinnippoq.
Sakkutuut toqutaasut nunanit sorlerneersut nalunaarutigineqanngilaq, amerikamiulli sakkutuui pingasut qaartartumeerinikkut toqutaasimasut, NATO-p siusinnerusukkut nalunaarutigaa.
Talibaninik saassussineq ippassaq aallartinneqarpoq, Afghanistanimiut NATO-llu sakkutuui katillugit 15.000-it talibaninik saassussipput. Sakkutuut Danmarkimeersut saassusseqataapput.
Talibanit 20-nit amerlanerusut toqutaapput, aqqanillillu tigusarineqarsimallutik. Sakkutuut naalagaat Ritzauimut taama ilisimatitsivoq.
