Takornariut nunatsinni aappaagu sinersulissaaq

Nunarput umiarsuarmik takornariummik nutaaliaasumik akimasuumillu aappaagumiit angallavigineqalissaaq, umiarsuaq takornariutigineqartussaq Italiap avannaani Fincantierimi umiarsualiorfiani sanallugu maanna aallartinneqarmat.

Umiarsuaq 12.700 tonsinik oqimaassuseqartoq 328 meterinillu takissuseqartoq, aappaagu apriilimi singinneqassaaq, nunattalu sineriaani majimiit septembarimut sinersortussaq, Norgemiut umiarsuaatileqatigiiffiata Hurtigruten Groupip pigisaraa. Diskotoqqamik sineriatsinni siornagut sinersortitsisarnermik umiarsuaatileqatigiiffik taanna ingerlatsinikuuvoq.

Nunatsinnut ukiut 100-it matuma siornagut ilisimasassarsiortup norskep Fritjof Nansen-ip angallatigisimasaa ”M/S Fram” umiarsuarmut atsiunneqassaaq. M/S Fram nutaaliaasoq neriniartarfeqassaaq timersortarfeqarluni nutaaliaasunillu sarfartulinnik uffartarfeqassalluni.

Kalaallit eqqumiitsuliortut Anne Birthe Hove, Miki Jakobsen kiisalu Julia Pars umiarsuarmik pinnersaasuussapput.