Takornariat spaniamiut amerligaluttuinnarput
Spaniamiut Kalaallit Nunaanut takornariartartut amerligaluttuinnartussaasariaqarput – tuluit tyskillu amerlaqataannik amerlassuseqalerlutik.
Tamannalu piuviusorsiorpaluppoq, nunatsinni takornariartitsivik GTE isumaqarpoq.
GTE takornartitsivik Arctic Adventure peqatigalugu Barcelonami Madridimilu takornarianik nittarsaasssanermi peqataapput.
Spaniamiunik takornariartitsisartut marluk Tierras Polaris Greenland Adventure-lu spaniamiut kalaallit nunaata kujataanut takornariartittakkatik ukiuni kingullerni amerlisissimavaat. Ineriartornerlu tamanna ingerlaannartariaqarpoq, GTE Spaniami takornarianik nittarsaassinerminni tusagassiuutinut taamatut allapput.
Spaniami takornarianik tuniniaanerup nutaap ineriartortinneqarneranut peqataanerput, tunumi kujataanilu takornariaqarnermut pingaaruteqarpoq, GTEmi tuniniaanermut pisortaq Niels Feerup Barcelonamiit oqaluttuarpoq.
Spaniami takornariartitsisartunik suleqateqarnerup kingunerisinnaavaa, tyskit tuluillu kalaallit nunaannut takornariartartut amerlaqataannik ukiut ikittunnguit qaangiuppata amerlatigilersut GTE-p tuniniaanermut pisortaa Niels Feerup oqarpoq.
