Takornariat 2009-imi ikileriarput
Procentinngorlugu 4 procentinik ikilisimallutik.
Taannaannaanngilarli, 2009-mi takornariat aningaasanik aamma atuinikinnerusimapput. 2008-mi agguaqatigiisillugu akornariap ataatsip ullormut 610 koruunit atortarsimavai, 2009-mili aningaasat ullormut atorneqartartut 37 koruuninik ikileriarsimapput.
Procentinngorlugu 6 procentimik apparsimapput.
Angallatit takornariartaassuit eqqorneqarnerpaasimapput, naak ukiuni arlalissuarni ingerlalluaraluartut. 2009-mi umiarsuarnik takornariartartut 7 procentimik ikileriarsimapput.
Taamaakkaluartorli takornariat Kalaallit Nunaanni innuttaasunit suli amerlanerit 2009-mi tikissimapput.
2009-mi takornariat timmisartumik tikittut 35.000-iusimapput, umiarsuarnik takornariartaatinik tikittut 27.000-isimasut.