Takornariartitsinermik suliallit ulapaarnerulissapput
Takornariartitsisarneq Arctic Travel Groupip pilersaarutaa malillugu sivitsorneqassappat takornariartitsinermik aallutallit ukiumut sivikitsuinnarmik ulapittarnerat sivitsuallalaassaaq.
Sinippiarnani qaammatini pingasuni takornarianik sullissisartut ulapputtarnerat qaammatinik marlunnik suli sivitsorsinnaavoq.
Qaammatit pingasuinnaat ullumikkut takornariarfiusarput, uagullu tuniniaasarusuppugut takornariarfiusartoq qaammatit tallimat pallillugit sivisussuseqalersillugu, Poul Lübbert Arctic Travel Groupemi siulittaasuusoq, Arctic Umiaq Linemillu piserusullutik piareersaateqarlutik misissuisuneersuusoq oqarpoq.
Arctic Umiaq Line ullumikkut iluanaaruteqarpiarani ingerlanneqarpoq, namminerlu akisussaaffik tigugussagunikku ilaatigut aamma qanoq allatut isertitaqartarnissartik eqqarsaatigereerpaat.
Iluanaarluta takornariartitsisartunik pingasunik ilaqarpugut taakkualu ulapittassapput ukiuunerani umiarsuit nunani allani attartortussarsiortassallugit.
Imaassinnaavoq nunani avannarlerni kiattuniluunniit umiarsuit ukiukkut angallassisarsinnaassasut, taamaasillutalu aningaasat annaasassaraluagut isertittassagaluarpagut, Poul Lübbert naggasiivoq.
