Takornariartaatit takkussuupput
Ilulissat ilimagineqareersutut takornariartaatinit ornigarneqarnerpaassaaq, tassami takornariartaatit 63-it illoqarfimmut aasap ingerlanerani tikittussaassagamik.
Takornariarfigineqarnerit tullii tassaapput Sisimiut, Kangerlussuaq aamma Nuuk, taakku takornariartaatinit 30-nit amerlanerusunit aasap ingerlanerani tulaffigineqassapput.
Aammattaaq Qaqortoq, Qeqertarsuaq Uummannarlu takornariartaatinit 20-nit sinneqartunit tikinneqassapput.
Takornariartaatit ilaat aqqaneq-marluk Tunumi Illoqqortoormiut tikillugu angalaassapput, ilaallu arfineq-marluk Qaanaamut anngutissallutik.
Qaasuitsup Kommunea, kommunit sinnerinut sanilliullugu takornariartaatinit
ornigarneqarnerpaanut ilaavoq, tassa 163-eriarluni tikinneqassagami.