Takornariartaatit iluanaarutaammat tupaallaatigigaa
Tasiilami takornariaqarnermut pisortap Anders Stenbakkenip umiarsuarnut takornariartaatinut isummani allanngortippaa, taannami maanna isumaqarpoq umiarsuit taamaattut aningaasarsiorfiusinnaalluartuusut.
– Umiarsuit takornariartaatit soqutiginngeqqaaraluariarlugit maanna soqutigilerpakka, Anders Stenbakken Sermitsiaq Inuussutinut taama unnersiorpoq.
Taassuma isumaa naapertorlugu umiarsuarni takornariartaatini ilaasut aningaasanik iluanaarutaasinnaalluarput, naak umiarsuit taamatut ittut Tasiilami ulloq ataasiinnaq uninngasaraluartut.
– Umiarsuit takornariartaatit aningaasarsiornermut iluaqutaanerat aatsaat ukioq manna paasillualerpara, Anders Stenbakken oqarpoq.
Takornariat ilisimasortalerluni angalanernik aammalu sanaalukkanik pinnersaatinillu tammajuitsussanik pisisarput, Anders Stenbakken oqarpoq.
Unnersiutigaalu ukioq manna umiarsuit ilaata tikinneratigut ullup ataatsip ingerlanerinnaani umiarsuup ilaasui 80.000 koruunit missaanni atuisimasut. Ilaasut 160-it missaanniittut illoqarfiup iluani angallanneqarnernik 30.000 koruunit nalinginut atuisimapput, tammajuitsunillu 50.000 koruuninut nalinginut pisisimallutik.
