Ilaasut marluk takornariartaammi Louis Majesty-miittut ajunaarput umiarsuaq Akullersuup kangiani malerujussuarmit eqqorneqareersorlu, spaniamiut imaatigut annaassiniartartui taama oqarput.
Paasissutissat naapertorlugit umiarsuup isersimaartarfia malimmit aserorneqarmat inuit arfinillit aqqunartitersimapput.
Umiarsuaq takornariartaat 1993-imi sanaajusoq Barcelonamiit Genovamut ingerlaartilluni malinnit pingasunit 8 meterisut portutigisunit eqqorneqarpoq. Ajutoornerup kingorna umiarsuaq Barcelonamut uterpoq.
Umiarsuarmi ilaasut 1.350-iupput inuttallu 580-iullutik, tyskit nutaarsiassaqartitsiviat DPA taama nalunaarpoq.