Takornariaqarnermut pisortaaneq nutaaq toqqarneqarpoq
47-nik ukiulik Anders Stenbakken, Nunatsinni Takornariaqarnermut Inuussutissarsiornermullu Siunnersuisoqatigiinni pisortaanertut nutaatut toqqarneqarpoq.
Allattoq Louise M. Kleemann
Anders Stenbakken Destination Eastgreenlandimi pisortaanertut maannakkut inissisimavoq. NTIS-milu april-ip aallaqqaataani 2010 pisortaanertut aallartissalluni.
- Qinnuteqarsimasut piukkunnartut amerlasimapput, siulersuisulli qularutiginngilaat Anders Stenbakken ukiorpassuarni nunatsinni takornariaqarnermut misilittagaqarluarnini pissutigalugu atorfimmut inissinnissaminut piukkunnarluarmat, NTIS-mi siulersuisuni siulittaasoq Bjarne Eklund oqarpoq.