Takornariaqarneq uummarissarniarpaat
Tamanna pivoq, Nunatsinnut takornariat ukiormanna 7.000-it missaannik ikileriareersullu. Takornariaqarnermillu suliaqartut 2010-mi takornariat amerleriarnissaat siulittuutiginngilaat. Taamaammat Siunnersuisoqatigiit siulittaasuata Bjarne Eklundip tamanna iliuuseqarfiginiarlugu, takornariartitsinerup nutaamik iliuuseqarfiginissaa maanna siunniuppaa.
Taassuma ilisimatitsissutigaa, Nunatsinni Takornariaqarnermi Inuussutissarsiornermilu Siunnersuisoqatigiit Air Greenland peqatigalugu neqerooruteqarnissamik pilersaarusiortut, taamaalilluni takornariqarnermik suliaqartut, 2010-mi angalanernik amerlanerusunik tunisaqarnissaannik kinguneqartussamik. Takornariat Tysklandimeersut siunnerfigineqarnissaat isumaqatigiissutigineqarpoq, aammattaarli takornarianut Danmarkimeersunut missingersuutit marloriaatinngortinneqarnissaat siunnerfiuvoq.
Siunnersuisoqatigiit tamatuma peqatigisaanik, Nunat Avannarliit Killiit takornariartitsinermik ussassaarilerpata, ataatsimoorluni saqqummiussinissaq suliniutiginiarpaat. Matumanilu anguniarneqarpoq Siunnersuisoqatigiit Air Greenlandilu taamanikkut ataatsimoorlutik qarasaasiakkut Tysklandimi ussassaarisinnaassasut.
