Takornariaq suli ujaarineqartoq

Angutip 27-nik ukiullip ujaarineqarnera annertusineqarpoq.
Allattoq Jaaku Lyberth
juulip 25-at 2016 14:41

Qeqqata politiiviisa aalajangerpaat ujaasinertik nanginniarlugu. Tammaaneqartoq tassaavoq Yet Wui Cheung, 27-nik ukiulik Hong Kongimeersoq. 

Yet Wui Cheung Kangerlussuarmit Sisimiunut aqqut atorlugu pisussimavoq, Sisimiuni politiit KNR-imut nalunaarput. 

Ujaasineq timmisartuutileqatigiiffiup Air Greenlandip qulimiguuanik sapaammi ingerlanneqartoq ullumi annertusineqartoq, politiit nalunaarput. 

Takornariaq 27-nik ukiulik  illuaqqami Eqalugaarniarfimmi Kangerlussuup Sisimiullu akornanniniittumi juulip ulluisa 14-anni kingullermik takuneqarpoq. 

Ujaarineqartoq Yat Wui Cheun pillugu innuttaasut ilisimasaqarsinnaasut takunnissimasinnaasulluunniit peqquneqarput, Sisimiuni politiinut saaffiginneqqullugit, Sisimiuni politiit normoraa 70 13 22 

Ujaarineqartoq kingullermik takuneqarami isaruaqarsimasoq, sungaartumik kavaajaqarluni sungaartumik appaluartumik qalipaatilimmik nammattagaqarluni. 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq