Taiwanimi tammaarsimaaqataarusuttumik ujaasipput
Inuusuttut Nuummi najugallit, Taiwanimi aasaru tammaarsimaaqataanissamut periarfissinneqarput, qinnuteqarfissaq kingulleq tassaavoq decembarip 21-at, taamaattumik peqataarusuttut ullut pingasut tulliuttut qaangiutsinnagit qinnuteqapallattariaqassapput.
Allattoq Louise M. Kleemann
Lions Club Nuuk, ukiut tamangajalluinnaasa inuusuttumik 17-it 21-llu akornanni ukiulimmik Nuummeersumik nunani allani tammaarsimaarfinnut aallartitsisarpoq. Ukiormannalu tammaarsimaarnissaq Taiwanimi julip qaammataani pissaaq.
Peqataanissamut piumasaqaatit pillugit Lions Clubimi inuusuttunut ataatsimiititaliami ilaasortaq Abia Abelsen ima nassuiaavoq:
- Tuluttut oqalussinnaasariaqassaaq, pujortartartuunani aammalu timikkut tarnikkullu peqqissuusariaqassalluni.
Qinnuteqaat kingusinnerpaamik decembarip 21-anni uunga nassiunneqassaaq: fencker@greennet.gl