Taekwon-Do-rtartut Kroatiamukalersut
Kalaallit Taekwon-do-mi nunanut allanut unammisartui, inersimasut 23-ssaannik juniorillu 14-ssaannik Europami pissartanngorniutilerpata peqataassapput.
Allattoq Najaaraq Egede
Ukioq manna Europami pissartanngorniunneq Kroatiami ingerlanneqassaaq, tassa ullumikkut aallarteriarlutik juunip aappaata tungaanut unammisaqattaassapput.
‘Unammisartut tamarmik pissartanngorniunnissamut sungiusarluarsimapput, unammisartullu nutaat isumalluarfigeqaavut’, Lauritz Heilmann kalaallit Taekwon-do-mi unammisartuineersoq oqarpoq.
Juniorini peqataasussat pingasut tassaapput Heidi Rasmussen, Steen Rasmussen aamma Malik Knudsen.
Inersimasuni unammeqataassapput Ulrik Karl Lyberth aamma Lauritz Heilmann.