Taekwon-Do-mi unammersuarnermi nunarput marlunnik peqataatitaqassaaq
Nunarsuaq tamakkerlugu katersuunnissarsuarmi "International Martial Art Games"-imi Bangkok-imi Thailandimi ingerlanneqartussami, Taekwon-Do-mi unammisartut marluk nunarput sinnerlugu peqataassapput.
Allattoq Louise M. Kleemann
Angutinnguaq Tittussen aamma Lauritz Heilmann apriilip aqqaneq aappaanniit 19-annut ingerlanneqartussami peqataassapput.
Unammisaqattaarnissani unammeriaatsit assigiinngitsut 18-it unammissutigineqassapput. Taekwon-Do-p saniatigut Kick Boxing aamma Kung Fu unammissutigineqassapput.
Unammisaqattaarnernut atatillugu aamma ataatsimeersuartoqassaaq, tassanilu nunarput sinnerlugu Lauritz Heilmann peqataassalluni.