Kunngip paniisa kunngillu ernerisa naligiissitaalernissaat taasisitsinermi siunertaavoq, tassa kunngikkormiut angajulliliaasa siunissami kunngissanngortalernissaat taasissutigineqarluni.
- Suna tamarmi ingerlalluassappat nuna tamakkerlugu inernerit kingusinnerpaamik unnuaru unnuap-qeqqata missaani naammassissagunarput, Naalagaaffiup sinniisoqarfiani inatsisileritooq, Jan Bønæs, Radioaviisimut ilisimatitsivoq.
Nuup illoqarfiani taasisitsinermi aqutsisoq, Poul Christensen, unnuk manna Radioaviisimi oqaluttuarpoq, 15,55 procentit nalunaaqutaq tallimanut taasiartoreersimasut.