Taasinermi peqquserlussimasoq alla aamma saqqummerpoq
Inatsisartuni taasisitsinermi peqquserlussimasutut nassuertoq alla aamma saqqummerpoq. Tassaavoq Inuit Ataqatigiit sinnerlugit ilaasortaq Esmar Bergstrøm. Taanna Radioaviisimut pisimasoq pillugu assut ugguarnerarpoq.
Allattoq Louise M. Kleemann
novembarip 21-at 2008 13:03
- Taamatut iliornera isumaalliornerujussuusoq oqaatigissavara, aamma taamatut iliornerma kingunissaa suungaluarpalluunniit piareersimaffigissallugu Inatsisartut siulittaasoqarfiat ullumi ilisimatippara, Esmar Bergstrøm oqarpoq.
