Taasiartortut imaaginnavipput
Namminersulernissaq pillugu innuttaasunik ullumikkut taasisitsineq oqaluttuarisaanermut tunngasunut siusinnerusukkut taasisitsisimanerit marluk assigalugit inuit ussagarluarpaat. Namminersornerunermut 1978-imi januaarimi taasigatta taasiartortut procentiat 63-iusimavoq. EF-iusimasumit 1982-imi taasigatta taasiartortut procentiat annertunerulluni 75-iusimavoq. Inatsisartunullu kingullermik qinersigatta taasiartortut procentiat aamma 75-iusimalluni. Taasinermi Nuummi aqutsisoq, Poul Christensen, oqarasuaatikkut toqqaannartumik attaveqafigalugu aperaarput, missingersuusiorsinnaanersoq. Poul C hristensen ima akivoq:
novembarip 25-at 2008 18:08
- Nuummi kisitsisit kingulliit nalunaaqutaq arfinermut pissarsiarisavut massakkorpiaq tassaapput 56,06 procenti. Kommunalbestyrelsimut qinersisoqarneranut sanilliullugu assersuusiussagaanni piffissap aamma taassumarpiaap nalerpiaani 42,52 procentiusimalluni, tassa qinersisartut amerleriarsimapput nalunaaqutaq 18.00 kisitsisitsinermi takutippaatqinersiartorsimasut.
Taasiviit unnugu nalunaaqutaq arfineq-pingasunut matusussaammata, aperaarput, taasisitsinerup inernera qaqugumita tusarliunneqarsinnaasanersioq, akivoq, unnuap qeqqata missaani naammassinissartik neriuutigigini.
