Taarsiivigineqarnissaminnut pisinnaatitaaffeqarput

Naalagaaffiup Silaannakkut Angallannermi Nakkutilliisoqarfianit naqissusernerqarpoq Air Greenlandimi aaqqiagiinngittoqarnerani Danmarkimiit angalasussaagaluit, taarsiivigineqarnissaminnut pisinnaatitaaffeqartut
Allattoq Nukappiaaluk Hansen Magnussen
januaarip 18-at 2011 05:40

Air Greenlandip sulisunik mattussinera allaanerusumik inissisimanngitsoq CHECK-IN.dk-mi allaaserinnittoqarpoq.

- Aaqqiagiinnginneq inatsimmi allaanerusumik inissisimanngilaq, taamaattumillu ilaasussaagaluit taarsiivigineqartussaapput. Air Greenlandip tamanna uppernarsarsinnaanngilaa, taamaattumillu taarsiisussaalluni, SLV-mut siunnersorti, Karen Riis Kjølbye, CHECK-IN.dk-mut oqarpoq.

Ilanngullugu taanna oqarpoq, Air Greenlandip angallassinermini tikiffissaani suliumajunnaartoqarsimasuuppat aatsaat allaanerusumik inissiisoqarsimassagaluartoq, taamaasilluni nunamut allamut mittariaqalersimassagaluarluni, uanili pineqartumi Air Greenlandi aaqqiagiinnginnermut pisooqataavoq.

Karen Riis Kjølbye eqqortumik oqarsimaguni, ilaasut 3000 koruuninik taarsiiffigitinnissaminnik pisinnaatitaaffeqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq