Taarsiiffigiterujussuarput
Eqqillit aamma Alaskami Inuit 500-t, 60-ikkunni, 70-ikkunni aamma 80-ikkunnilu atuarfinni najugaqarfiullutillu nerisaqarfiutigisuni palasinit aamma ilinniartitsisunit pinngitsaalillugit atoqatigineqartarsimaneri aammalu tarnikkut naalliutsinneqartarsimaneri pillugit katuullit ilagiit Jesuittinik pineqartartut 166 million dollarsinik, tassa 870 million koruuninik maanna taarsiisussanngorput.
Katuullit ilagiit Jesuittit akiliinermik saniatigut atornerlugaasunut utoqqatsernissaat piumasarineqarsimasoq, amerikamiut radioata NPR-ip nalunaarutigaa. Alaskami Inunnut aammalu Eqqilinnut aatsaat taama aningaasanik amerlatigisunik USA-mi taarsiisoqartussanngorpoq.