Taarsigassarsiniartarfik Islandimut isumaqatigiissuteqarpoq
Aningaasat taakkua IMF-imit patajaallisaanissamut atukkiussassat 12,2 milliardit koruuniusut pingasunngorlugit agguarneqarnerisa pingajoraat.
Aningaasat taakkua tunniunneqarnissaat kinguartoorutaavoq, tamatumunnga pissutaalluni Islandip Hollandimik Tuluillu Nunaannik Icesave pillugu aaqqiagiinngissuteqarnera. Islandip nunanut taakkununnga marlunnut 30 milliardit koruunit utertittussaavai, piumasaqaatinulli tunngasut isumaqatigiissutigisinnaajunnaaqqallugit.
Taamaattumik IMF-imi siulersuisut aningaasat atukkiussassat sinneri tunniukkumajunnaaraluarpaat.
Maannali Islandip IMF paasitissimavaa, aningaasat atukkiunneqartussat tunniunneqanngippata nunap aningaasarsiornera ajorsigaluttuinnassasoq. Taamaattumik IMF-ip siulersuisui sapaatip akunnerata tulliani akuersissappata, Islandip aningaasat atugassami ilai milliardit koruuningajaat tigusinnaassavai.
