Taamatut ajugaasarput
Qimussertartoq Jørgen Kristensen qaqutigoortumik angusaqarsimasut akornanniilerpoq pingajussaa Avannaata Qimussersuani ajugaangami. Piareersarnera pillugu KNR-TV-imit oqaloqatigineqarpoq.
Allattoq Noah Mølgaard
Suliaq imaannaanngitsuuvoq qimmit 15-it atorlugit Avannaata Qimussersuani ajugaanissaq sulilu angusaq imaannaannginnerulersarpoq ukiut marluk tulleriisillugit ajugaasoqartillugu
KNR-TVs-meersup Ole Petersenip Jørgen Kristensen Avannaata Qimussersuata marsip 26-iani ingerlanneqartup kinguninngua naapippaa, tassanilu oqaluttuaraa piareersarsimanini.
Avannaata Qimussersuani pingasoriarlutik ajugaasimasut tassaapput Ville Siegstad Ilulissaneersoq, Edvard Samuelsen Saattuneersoq kiisalu Jørgen Kristensen Ilulissaneersoq.