Taalliortoq Koranimit tigulaarinnittoq eqqartuunneqartussanngorpoq

Kunngeqarfik Jordan ilisimaneqarpoq upperluaqqissaarniat Koranimik pingaartitsinerannit avasillisimaarniartutut.

Taalliortup Jordanimiup 27-inik ukiullup Islam Samhanip erseqqissaatigaa Muamaamik upperisallit atuagaataannit illernartitamit Koranimit tigulaarilluni taalliorami mitalliiniarsimanani. Maannali Jordanimi naalagaaffiup eqqartuussissuserisuata eqqartuussassanngortippaa. Eqqartuussisussanngortinneqarporlu palasiunerit ilaat Muftinik taaneqartartut. Taalliortup taamaaqataasa aalajangerneq isoraat oqarlutik Muftit taallioriaatsinut nutaaliaasunut ilisimasaqanngivissut eqqartuussisariaqanngitsut. Ippigineqaleraluttuinnarpoq siornagut Jordani upperisarsiornermi naammagittartutut isigineqartoq avataanit uppeqqissaarnianit

sunnerneqaraluttuinnarmat. Jordanimi naalagaaffiup eqqartuussissuserisuata danskeq aviisini titartaasartoq aviisinilu aaqqissuisut qulit Jordanimi eqqartuussassanngorlugit Danmarkimiit oqquteqqugaluarpai, Muamaamik mitalliisimasutut eqqartuunniarlugit.

Sutorniartarfiilluunniit imigassallerfigineqarsinnaasut siornagut akuersisartunit taakkorpianit akuerineqarsimasut maanna matuneqarnissaannik suliniuteqalersimapput.