Taalliat nutaat nunatsinneersut saqqummersinneqarnialerput

Taallianik saqqummiusseqqaarnermut atatillugu Nuuk Centerimi Bog & Ide-mi pisiniarfik  nalliuttorsiualaarutigineqarluni atuakkiaq pisiniarfik ilisaritinneqassaaq, ilaatigullu atuakkiortua nammineerluni taalliami ilaanik atuffassisoq tusarnaarneqarsinnaassanerata saniatigut taassuma atuakkiaminik atsioqattaartillugu ilassineqarsinnaassaattaaq.

- Inuusuttuaqqat kalaallisut atuakkianik naliginnaasunik atuarumatussuseqartarnerat killeqartoq nalunngilarput, oqaluttualiaaqqanilli taallallu atuarumasartut aamma nalunatigu. Taamaammat inuusuttut nunatsinniittut inuunerat pillugu, inuusuttuaqqatullu inuunermini ajornartorsiutigisinnaasaat pillugit taalliat atorlugit inuusuttunut apuussiniarnerput iluatsissasoq neriuutigaarput, taallianik saqqummersitsitsinermi suliniuteqaqataasimasoq Katti Frederiksen knr.gl-imut taama nassuiaavoq.

Atuagaq Atuagkat Boghandel-imi imaluunniit nittartakkami qupperneq: www.atuagkat.com aqqutigalugu pisiarineqarsinnaavoq.