Søren Espersenip tunuartup siulittaasuuginnarnera ippigaa
Dansk Folkepartimili ilaasortap erseqqissarpaa Jonathan Motzfeldtip nammineq sussanerluni maanna aalajangissagaa:
-Jonathan Motzfeldtip nammineq suniarnerluni aalajangissavaa. Politiilli pinerlussimasutut unnerluussassatut nalunaarutigippassuk imaluunniit pinerlututut unnerluutigippassuk pisoq allanngussaaq, isumaqarpunga suliaq allanngorluinnassasoq taama pisoqarpat. Tassunga aamma ilaalissaaq Namminersorneq pillugu isumalioqatigiissitami inissisimaneq, Søren Espersen oqarpoq.
Ippigineqarsinnaavoq landstingip siulittaasuatut tunuariarluni namminersorneq pillugu ataatsimiitsitaliami issiaannarmat, tamannali nammineq qinerpaa. Unnerluutigineqartinnani nammineq tamanna aalajangiiffigissavaa, politiit unnerluussisulluunniit qanoq iliuuseqarniarnersut ilisimanngilara, Søren Espersen taama raadiuviisimut oqarpoq.
Statsminister Anders Fogh Rasmussen, namminersorneq pillugu isumalioqatigiissitami siulittaasup tullia, folketingimi siulittaasoq Thor Pedersen namminersorneq pillugu isumalioqatigiissitami ilaasortat, Kristen Touborg, Frank Jensen, Lars-Emil Johansenilu pisumut oqaaseqarusunngillat.
