Søren Espersen: Kalaallit Nunaat Danmarkimut aningaasartuutaavoq
Nunatsinni uuliasiortoqalissagaluarpat isertitaajumaartussanik Danmarkip nunattalu akornanni avitseqatigiittarnissaq pillugu, Dansk Folkepartii Namminersorneq pillugu isumalioqatigiissitani amerlanerussuteqartunit isumaqatigineqanngilaq, Dansk Folkepartilu ilaasortaatitaa Søren Espersen parteeqatini peqatigalugit Folketingimi iliuuseqarnialersaarpoq.
- Aningaasanut inatsisissaq isumaqatigiinniutigineqaraangat ataatsimoortumik tapiissutit annertussusaat oqallisaataasartorujussuupput. Tapiissutit annertussusissaat ulloq manna tikillugu annertunerusumik isumaqatigisarsimavagut, ilimanarsinnaavorlu siunisssami tamanna allanngortoq, Søren Espersen oqarpoq, nangillunilu:
- Allaanngilaq pisuussutit Kalaallit Nunaannut tunniutiinnarsimagivut, taamaassimappallu ataatsimoortumik tapiissutit allannguuteqarnissaat piumasarissavarput, Søren Espersen oqarpoq.
Kalaallit Nunaat Danmarkimut aningaasartuutaajuaannarsimavoq Søren Espersen oqarpoq, uuliasiortoqalissagaluarpallu isertitat ilaasa Danmarkimut tuttarnissaat pissusissamisuuginnarpoq, Dansk Folkepartiimeersoq oqarpoq.
