Syriami saassussisoqarmat 43-it toqutaapput
Saassussisut tassaapput sakkutooqatigiit amerikamiunit aqunneqartut, saassussinerlu pivoq nunap immikkoortuani Deir al-Zorimi.
Inuit 43-it toqutaapput amerlanerit sakkutuujunngitsut.
Islamisk Statikkormiut nunap immikkoortuani Deir al-Zorimiittut, Irakip killeqarfianut qanittumiittut sakkutoqqatigiinnit amerikamiunit aqunneqartunit septemberimili qimagutsinniarneqalerput.
Toqutaasunit 43-usunit 36-it Islamisk Statikkut sorsuttartuisa ilaqutarigaat, taakkualu ilaat meeraasut, nalunaarutigineqarpoq.
Toqutaasut arfineq marluk suli kinaassuserneqanngillat, sakkutuujunngitsuunersut imaluunniit Islamisk Statikkunni sorsuttartunersut.
Saassussisoqarnerani takunnitut oqarnerat naapertorlugu, sakkutooqatigiit septemberimili saassileramik aatsaat taama amerlatigisunik toqutaasoqartoq, tassalu 43-it toqutaagamik.
Sakkutooqatigiit oqaaseqartartuata qulakkeerlugu oqaatigaa, silaannakkut saassussisoqartoq sakkutuujunngitsullu ajoqusersimanngitsut.
ritzau/AFP