Syriami saassussinerup kingorna qimagussortitsineq nanginneqartoq
Syriap illoqarfiisa ilaanni sapaatip-akunnerata naanerani qaartartumeerisoqaqattaarpoq, inuit 126-t toqutaallutik, taakkunannga meeqqat 68-it toqutaallutik.
Allattoq Ritzau
apriilip 19-at 2017 07:41
Nutserisoq Mads Lynge
Taama saassussisoqareersorlu sakkutuujunngitsut sorsuttartullu Syriami illoqarfinnit ungusimaneqartunit qimagussorneqarnissaat ullumi nanginneqarpoq.
Bussit 45-t illoqarfinnit naalakkersuisunit aqunneqartunit marlunnit, ukiunilu marlunni ungusimaneqarsimasunit, ingerlaarsinnaasimasut illoqarfissuarmut Aleppomut anngussinnaasimapput.
Franskit nutaarsiassaqartitsiviata AFP-p tusagassiortuisa ilaat taama oqarpoq.
- Inunnik qimagussuineq ingerlalluarpoq. Inuit 3000-it missaat illoqarfinnit marlunnit taakkunanit ullumi ullaap tungaani qimagussorneqarsinnaasimapput, allallu 300-t missaat illoqarfinnit pingasunit aamma qimagussorneqaleruttorlutik, Rami Rahman, Inuttut pisinnaatitaaffiit pillugit Syriami alaatsinaattut sinnerlugit oqarpoq.
