Syriami meeqqat napparsimmaviat qaartartumeerneqarpoq
Syriap avannarpasissuani illoqarfimmi Azazimi meeqqat napparsimmaviat qaartartunik ungasissumiit igeriuttakkanik arfineq-marlunnik eqqorneqarpoq.
Allattoq Ritzau
februaarip 15-at 2016 13:21
Nutserisoq Tikaajaat Kristensen
Ikinnerpaamik 14-it toqunneqarput 30-illu ikilerneqarlutik, napparsimmavimmit tusarfiit oqarput.
Aamma atuarfik, qimaasunik ulikkaartoq, eqqorneqarpoq, Azazimi innuttaasut napparsimmavimmillu tusarfiit oqarput.
Saassussineq "eqqarsaatigereerlugu saassussinerusoq", Nakorsat Killeqarfeqaratik Sulisut napparsimmavimmik tapersersuisuusut taama oqarsimanerarneqarput.
Timmisartoq illoqarfiup kujasissuani qimaasoqarfimmut qaartartunik nakkartitsisoq "russit timmisartorigunaraat", Azazimi najugalik oqarpoq.
/ritzau/Reuters
