Sydney pujoralassuarmit pooqqavoq
Australiami illoqarfissuaq Sydney pujoralassuarmit aappaluttumit poorneqarsimavoq. Danmarkip Radioata nittartagaani taama allaaserisaqarput.
septembarip 23-at 2009 17:04
Pujoralassuaq nunamiit, panernersuarmit ukiuni arlalinni eqqorneqarsimasumit, anorlernera pissutigalugu sineriammut siaruaassimavoq.
Timmisartut ikaartaatillu tamarmik uninngapput, pujoralassuarlu qalipaatigissaaqisoq, usseqisorli, pissutigalugu angallanneq ajornartoriutaasorujussuuvoq.
Inuppassuit angerlarsimaannarnissartik qinersimavaat, anorsarimmammi sioraaqqat tuttarneri annernaqimmata, silalu ipianngunarmat.
Sydneymi innuttaasut 200-t missaanniittut issannguatorlutik anersaartorsinnaajunnaangajassimallutilluunniit siarngussimapput.
