Sverigip akuerisaanik Greenpeace akornusersuivoq

Akerliuniarnermi Greenpeace umiarsuarmiit ujararujussuarnik immap naqqanut kivioraasitsivoq, taamaalillunilu immap naqqata kilisannissaa pisinnaajunnaarlugu. Mads Flarup Christensen Greenpeace Nordenimi generalsekretæriusoq nassuiaavoq immap naqqanut saviminaalussuit kiviorartissallugit qassutillu aserorterlugit. Tamanna aalisakkat najugannaaraat immallu naasoqarluni pingaarutilinnik amerlaqisunik. Uanilu koralit ikkannerniittut naqqata kilisanneranit aserorneqartarlutik. Ujaqqallu taakkua tamanna pinaveersaartinniassavaat.

Sverigemi oqartussaasut Greenpeacep ujarassuarnik kivioraasitsinissaanut akuersisimapput. Taamaattorli aalisartut naammagittaalliortut ulloqeqqata siorna Greenpeace umiarsualivimmiit aallartinnaveersaaraluarpaat iluatsitsinatilli, Greenpeacellu umiarsuaa ulloqeqqata siorna tamaat ujarassuarnik kivioraasitsilluni, taamatut DR oqaluttuarpoq.