Sverigemut unamminissamut piareerput

Kalaallit angutit inuusuttut nunarsuarmi assammik arsarlutik pissartanngorniunneranni nunatsinneersut U21-it nunarsuarmi pissartanut Sverige-meersunut ullaaq unamminissaraluat arsaaffiup natiata ajoquteqarneranik pissuteqartumik ualerumut nuutsinneqarpoq. Nunatsinni sungiusaasoq Jakob Andreassen piareersimalluarlutik oqaatigaa.
Allattoq Najaaraq Egede
aggustip 08-at 2009 13:29

- Ajugaanissaq siunertaralugu unammiffimmut soorunami isaassaagut. Imaassinnaavoq artorsartugut, kisianni assammik arsartartutsialaanerput sapinngisatsinnik takutikkumaarparput, Jakob Andreassen oqarpoq.

Aammali oqaatigaa Sverigep arsartartui tassaasut ingasaginartumik sakkortussussilimmik arsartartut. Taamaammat ulluni kingullerni kalaallit unammisaminnut 30-it sinnerlugit målersimanerat eqqarsaatigalugu, ikinnerpaamik arsaannerup immikkoortuini tamani tallimaninik arfinilinnilluunniit isertitsisarumaarlutik neriuutigaat.

- Unammisassagulli nukittoqaat. Uagut qanoq pisinnaatiginerput apeqqutaalluinnassaaq. Ajoraluartumik Akutaaneq Kreutzmann naarlunnini pillugu unammeqataasinnaanngitsoq sungiusaasup aamma oqaatigaa.

Kalaallit assammik arsartartui Sloveniamiunut ippassaq unammimmata Sloveniamiut 43-31-mik ajugaapput, ullup siuliani kalaallit Estlandimut unamminerminni ajorsaqqalaarlutik 37-38-imik ajorsartut.

Egyptenimit tassuugu sisamat qeqqaniit toqqaannartumik Kalaallit Nunaata Radioagut aallakaatitsissaaq Noah Mølgaard.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq