Sverigemi sussuteqanngitsunik eqqaassinerit ilaqqipput

Malmømi aallaarsarinnittarnerit kingorna tamanna pivoq.

Pisut tamakkua talerperliuniat piliarisimassagaat politiit maanna pasivaat.

- Ullup qeqqalersoq seqqortaartoqarpoq. Angutip nukappiaraq illuinnarsuutaagunartumik umerpaa, arlaleriarluni seqqorpoq uniorluguli. Tassa maannamuugallartoq oqaatigisinnaasarput, Sofie Österheim Skånemi politiineersoq Aftonbladet-imut oqarpoq.

Aallaarsarinninneq St. Thomasgårdenip eqqaani pisuinnaat aqqutaani nal. 11.40 pivoq.

Nukappiaq 16-inik ukiulik politiinut oqaluttuarpoq angutip illuinnarsuutaagunartumik umersimagaani arlaleriarlunilu seqqorluni.

Politiit seqqortaarfiusoq asserpaat qimmilerlutillu misissorlugu, aamma politiit paasiniaasartui teknikerit misissueqataapput.

Nunasisut qulit 15-illu akornaniittut illuinnarsuusersortunit kinaassusersineqanngitsunit bussit unittarfiisa eqqaanni biilillu uninngasarfiini piffissami kingullermi aallaarsarineqartarput.

Aallaarsarineqartut politiinit ilisarisimaneqanngillat.

Sapaatit akunnerani uani pingasoriarluni seqqortaartoqarpoq. Aallaaneqartut marluk suli napparsimmavimmi suliarineqarlutik uninngatinneqarput.