Sverigemi ikaartaatit marluk putsup ataani aporput
Taakkunanilu ilaasut ilaat aqqaneq marluk ajoquserput, ikaartaatillu aporneranni ilaasut qanoq iliussanersut ilisimatitsissutigineqanngitsoq, Politiken.dk-imi atuarneqarsinnaavoq
Allattoq Oline I. Olsen
Ikaartaatit Gotlandiliartartut ullaap tungaa Sverigemi nalunaaqqutaq malillugu aqqarnup qimalaarnerani apormata, ilaasut akornanni uippallernersuaqarpoq.
Ikaartaat biilinik usilik kiisalu ikaartaat sukkasuuliaq Nynäshamnimi Stockholdmip kujataaniittumit tikilernermi avalannerullu nalaani putsup ataani aporput.
-Ikaartaat tassanngaannaq tamarmi sajuppilalerpoq, ilaasullu uippallerlutik pissigalerput nilliallutillu, Zandra Funelid ikaartaammut sukkasuuliamut ilaasoq Sverigemi aviisimut Expressenimut oqarpoq.