Assi: Frederik Rubensson/Flickr Creative Commons

Sverigemi coronavirusimik toqquteqartut ullup ataatsip ingerlanerani 67-iusut

Sverigemi coronavirusimik toqquteqartut ullup ataatsip ingerlanerani amerleriarujussuarput.

3992-it katillugit toqusutut nalunaarsorneqarput, tassa tallimanngornermit 67-inik amerleriarsimasut Sverigemi oqartussat paasissutissiipput.

Sverigemi 10 millionit missaanni inoqarfiusumi coronavirusimik tunillatsissimasut maanna katillugit 33.188-t missaanniipput.

00:00:27Sverigep illoqarfiisa pingaarnersaat Stockholm Covid-19-imik eqqugaanerpaavoq. Utoqqaat 80-it 89-illu akornanni ukiullit coronavirusimik toqquteqartuni nalunaarsorneqarsimasuni amerlanerpaapput, utoqqaat 90-it sinnerlugit ukiullit tulliusut 70-it 79-illu akornanni ukiullit pingajuattut inissisimapput.

Utoqqaat angerlarsimaffiini nappaammut Covid-19-imut misiliutit amerlineqassasut Sverigemi oqartussat kaammattuutigaat, taamatullu utoqqaat mattusimaneqaqqullugit.

Utoqqaat angerlarsimaffiinut marsip 31-anili pulaartoqaqqusaajunnaarnikuuvoq, sunali peqqutaalluni toqusut amerlisimaneri ulluni kingullerni paasiniarneqarpoq.

Sverigemi utoqqaat angerlarsimaffiini januaarip qaammataanit apriili ilanngullugu 11.000-it toqukkut qimagupput. Siorna taamaalinerani 10.000-it toqusimapput.

Isummersuutit

Nunatsinni coronavirusi pillugu
killiffik

Tunillatseqqasut 63  
Siullermik kapitissimasut 36.921  
Aappassaa kapitissimasut 26.924  
Misissorneqareersimasut 42.668  
Tunillanneqarsimasut 150  
Peqqisseqqittut 87  
Uninngasut 0  
Anersaartuuteqartitaasut 0  
Toqquteqartut 0  
nun.gl-imi titartaganngorlugit:
Kapitissimasut | Tunillatsissimasut
 
   Nutarterneqarpoq: 
Augustip 5-at 2021 nal. 10:45
 

Coronavirusimik tunillatsinissaq pinaveersaaruk