Sverigemi amfetaminiliorfik
Sverigemi politiit qaqutigooqisumik tupaallaatigisaminnillu nassaarput - amfetaminiliorfimmik.
juulip 06-at 2010 08:59
Göteborgimiit 90 kilometerinik avannarpasinnerusumiittumi Sotenäsimi Sverigemi politiit pakasaallutik misissuitillutik amfetaminimik sananissamut atortunik nassaarput.
Angutit pingasut 42-nik, 45-nik aamma 54-inik ukiullit suliamut atatillugu tigusaapput ingasattumillu ikiaroornartulerisutut pasineqarlutik.
Unnerluussisup Per-Åke Kvarnstöm-ip Sverigemi amfetaminiliorfimmik nassaarneq qaqutigoorluinnartuunerarpaa.
-Amfetamin nunani allani suliarineqartaraluarpoq. Sverigemi naammattoorsisoqarneranik eqqaamasaqanngilanga, nettimi aviisimut Bohusläningenimut oqarpoq.
Ikiaroornartoq politiit nassaarisaat qanoq annertutiginersoq oqaatigiumanngilaa. Nassaarineqartoq laboratoriami, Statens Kriminaltekniska Laboratorium-imi, misissorneqassaaq.
