Svenskeq ajugaavoq
Isumassarsiuutigaluni nipilersoriaaseqarnini Mats Gustafssonip ukiuni kingullerni tusaamaneqaatigillualersimavaa.
- Nipilersoriaatsit sungiusimasat akimorlugit nutaaliaalluinnartumik nipilersoriaaseqarnini Mats Gustavssonip ilisarnaatigillualersimavaa, nersornaasinermut atatillugu naliliisartut ilaatigut taama oqarput.
Rasmus Lyberth siorna nunarput sinnerlugu innersuunneqarpoq saqqummersitani "Hey hey" pillugu. Erinarsoqatigiit Aavaat 2007-mi nersornaaserneqarnissamut innersuunneqarmatali aatsaat innersuussisoqaqqippoq.
Nunat Avannaamioqatigiit Nipilersortartunut Nersornaasiuttagaat 350.000 koruuninik aningaasartaqartoq, nipilersortartumut immikkuullarissumut, nipilersoriaatsimillu nutaaliortumut ukiormanna tunniunneqarpoq.