Svend Fly toquvoq
Svend Fly-p iggissamigut kræfteqarnini toqqutigaa. Kalaallit kræftimik nappaateqartut katsorsaariaatsimik nutaamik "eksperimentel behandling"-imik taaneqartartumik katsorsarneqarsinnaanissaat piariarfissiissutigeqqullugu, qaammatini kingullerni tusagassiutini arlaleriarluni oqaaseqartinneqartarpoq.
Inatsisartut ataatsimiinneranni qanittumi ingerlanneqartumi "eksperimentel behandling", kalaallinut periarfissiissutaalissasoq amerlanerussuteqartunit taasissutigineqarpoq. Periarfissiissullu taanna Svend Fly-p atortussanngoraluarpaa, arfininngormat eksperimentel behandlingimik katsorsartikkiartorluni Danmarkimut aallartussanngoraluarami. Tallimanngornermilu tannaartumi Svend Fly Uummannap napparsimaviani toqukkut qimaguppoq. Pingasunngorpat Uummannap oqaluffianiit ilisaassasoq nuliata Makka Flyp oqaatigaa.
