Svend-Erik Danielsen toquvoq

Svend-Erik Danielsen Kalaallit Nunaannut 1960-ikkut naalerneranni tikippoq, kukkunersiuisutut pisortanit akuerineqarsimasutut taamanikkut sulilluni. Kukkunersiuisut Schøbel & Marholtimi piginneqataasutut ukiualunni taamanikkut sulivoq, De Forenede Revisionsfirmaer-imi kingorna aamma sulilluni.

Grønlandsbankimi 1982-imi pisortanngorpoq, Grønlandsbanki aningaaserivinnit assigiinngitsunit Danmarkimeersunit taamanikkut pigineqarpoq.

Aningaaseriviullu taassuma ineriartorneranut Svend-Erik Danielsen sunniuteqarluarpoq, Nuna Bankimullu kattunnissaa taamanikkut siuttuuffigalugu. Grønlandsbanken Kalaallit Nunaanni aktieselskabini siullersaalluni aktianik tuniniaavittut nalunaarsorneqarneranut aamma suliniuteqartuuvoq.

Grønlandsbankenimi ukiuni 25-ni sulereerluni 2006-ip naajartulernerani tunuarpoq.

Aningaaserivimmi sulinermi saniatigut inuussutissarsiornermi ukiorpassuarni tatigineqarluni suliaqarpoq.

Polar Seafoodip sanaartugassanillu suliassinneqartartut EMJ-ikkut siulersuisuini toqussi tikillugu siulittaasuuvoq, soorlu aamma Sermitsiaq.AG-p siulersuisuini ilaasortaasoq, Norgellu generalkonsuliatut aamma sulisimalluni.

Svend-Erik Danielsen Ridder af Dannebrogsordenimik saqqarmioqarpoq, Namminersorlutillu Oqartussat Nersornaasiuttagaannik siilviusumik saqqarmioqarluni.

Qimatarai nulii Mathilde Danielsen qitornatillu sisamat.