Svend Aukeniugaluup ilisaanissaanut Nunatsinnit peqataasoqassaaq
Partiit allaffeqarfii taama nalunaartut Sermitsiap nittartakkamini paasissutissiissutigaa.
Svend Aukeniugaluup ilisaanissaa danskit naalakkersuinermik suliallit toqusut ilisaasarnerisa persuarsiornarnerit ilagissavaat. Jens Otto Krag 1978-imi toqusoq ilisaammat kingullermik taama persuarsiortoqartigaaq, Ekstrabladet ullumi taama allappoq.
Århusimiut illoqarfimmioqatertik, Auken, ullumi eqqaaniarneqarmat najuuttorpassuupput pingaartumillu naalakkersuinermi suliai inuttullu pissusaa eqqaamaneqarlutik. Svend Auken 1971-imili Århusip qinersiviani qinigassanngortittarpoq.
Eqqaaniarneqarnera Svend Aukenip Århusimiikkaagami najortagannaavani imerniartarfiup Jakob’s-ip kaajaluisaani seqinnarissuugaa pivoq.