Svalbardimi maqaasisaqartoqarneranik nalunaaruteqartoqartoq apullu sisoorsimagunartoq

Norgemi Svalbardimi Barentsburgimi apummik sisoortoqarpoq, maqaasineqartunillu nalunaaruteqartoqarluni, aviisi VG taama allaaserisaqarpoq.

Tamanna norgemiut naalakkersuisuisa Svalbardimi sinniisua sinnerlugu, Lise Thomsenip uppernarsarpaa.

Taassumali nalunaaruteqarnerup siulliup kingunitsianngua naqqissuteqarpoq.

- Apummik sisoortoqarsimanersoq suli qulakkeerneqanngilaq, inuilli marluk maqaasineqarput.

- Nalunaaqutaq ualimut pingasunnunngitsiartoq nalunaarfigineqarputgut. Qulimiguullik qimmillu aputip sisoornerani ujaasisartut atorlugit orniguppugut, Lise Thomsen oqarpoq.

Norge Svalbardimut namminersortuuneruvoq. Taamaakkaluartorli Rusland isumaqatigiissut ukiunik 100-nit pisoqaassusillip ilaatut Barentsburgimi aamarsuarnik piiaasarpoq.

Barentsburgimi innuttaasut 450-t missaanniipput, taannalu Svalbardip illoqarfiisa pingaarnersaannit, Longyearbyenip avannaa-kitaani 60 kilometerinik ungasitsigisumiippoq.

/ritzau/