Svalbardimi aatsaat taama kiatsigilerpoq
Tassa vikingeqarallarmalli aatsaat taama kiatsigilerpoq. Sermersiooq Norsk Polarinstitutimeersoq, Elisabeth Isaksson, franskit nutaarsiassaqartitsiviannut AFP-mut oqarpoq.
Svalbardimi sermeq Lomonosovfonna misissuiffigineqarpoq, peersiffigineqarluni. Aatsaat taama kiatsigilersoq paasineqarpoq, sulilu kiatsikkiartorluni.
Misissuinerit 1997-imi aallartinneqartut maannamut ingerlanneqartuarsinnarput, silallu ukiut 800-t iluanni pissusaa qanoq issimanersoq paasineqarluni.
Ississutsimik uuttortaanerit 1911-mi aallarnerneqartut naapertorlugit Svalbardimi aatsaat taama kiatsigilersoq paasinarsivoq, taamanikkulli qanoq kiatsigisimanersoq uuttortaanerit takutinngilaat.