Inngikitsulimmi aasaq manna aatsaat taama kiassimatigaaq

Norgep qeqertaasa ilaanni Inngikitsulimmi aasaq manna aatsaat taama kiatsigaaq. Norgemi nutaarsiassaqartitsivik NTB taama allaaserisaqarpoq.
Angut Inngikitsulimmii kiannerani Longyearbyenimi seqinnisaartoq. Svalbardimi aasaq manna nalinginnaasumit kiannerusimavoq. Assi © : En mand i Longyearbyen i Svalbard nyder solen. Årets sommer i Svalbard har været usædvanlig varm. (Arkivfoto) - Foto: Hannah Mckay/Reuters
Allattoq Ritzau
septembarip 06-at 2020 14:48

Inngikitsulimmi kiattarnera 1899-imili uuttortarneqartalerpoq, aasaq mannalu tassa aatsaat taama kiatsigisimalluni.

 

- Aasaq manna malunnarpoq. Ukiut 30-t kingulliit ingerlaneranni malunnartumik kiatsikkiartorpoq, ukiut taakku siuliinut 90-inut naleqqiullugu kiatsikkiartornera assut malunnarpoq, Ketil Isaksen, Norgemi silasiorfimmeersoq NTB-mut oqarpoq.

 

- Aasaanerani kiatsikkiartuinnartarnera maluguniarparput, aasarlu manna immikkut maluginiagassaavoq, Isaksen oqarpoq.

AAMMA ATUARUK Ukiut 40-t qaangiunneranni: Inngikitsulik aatsaat 20 gradernik kiatsigeqqittoq

Ketil Isaksenip Inngikitsulimmi nuna qeriuaannartoq kiatsikkiartorneralu 1990-ikkunnili nakkutigisimavaa.

Aasaanerani kiannera, tassa juunimi, juulimi aggustimilu agguaqatigiissillugu kiattarnera ukiumit ukiumut allanngorartuaannarpoq. 1990-ip tungaanut nalinginnaasumit gradip affaanik ataatsimilluunniit kiannerusanngikkuni qiianarnerusarpoq.

1997-imili pisarnermit kiannerusarnera uuttortarneqartuarsimasoq Ketil Isaksenip oqaatigaa.

Aasaq manna kiannerpaammat juulip ulluisa 25-anni 21,7 gradinik kiappoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk