Susanne Larsen siulersuisunit tunuarpoq
SAS-ip aasarumiit Kangerlussuarmut timmisartuussisaleqqinnissaa pillugu ulluni kingullerni tusakkat pillugit Susanne Larsen tunuartoq oqaatigineqarpoq.
SAS Air Greenlandilu unammilleqatigiittussanngussammata, SAS-ip Air Greenlandip siulersuisuini ilaasortaqannginnissani kissaatigaa, tamannalu Air Greenlandimut tatiginninnermik tunngaveqartoq, Travel People-mit allaaserineqarpoq.
SAS-ip Air Greenlandimi piginneqatigiissutit 37,5 procentii pigai, aasarli nalunaarutigalugu taakku tunerusullugit.
Susanne Larsen siulersuisunit sapaatip-akunneri marluk matuma siornagulli anivoq, tassa Air Greenlandip ukiunut tulliuttunut tallimanut pilersaarutaanik oqalliseqalernissaaq sioqqutilaarlugu.