Sunnimuslimit naalakkersuisoqatigiinniikkunnaarput
Irakimi muslimini amerlanerpaartaasut Sunnimuslimit Irakimi naalakkersuisoqataajunnaarput.
Sunnimuslimit shiamuslimillu akornanni aaqqiaginngissutit qaangerniarnissaat taamaalilluni ajornakusoornerulissaaq. Ministeriunerup Nouri al-Maliki-p ajornartorsiutai annertoreerput, Moqtada al-Sadr shiamuslimiusoq naalakkersuisoqatigiinnit siusinnerusukkut qimaguteereermat.
Sunnimuslimit naalakkersuisuutitaat arfiniliusut maanna allanik inuttassarsiuunneqartariaqassapput.
Sunnimuslimit anguniakkaminnut Nouri al-Malikimit tusaaneqartannginnertik naalakkersuisoqatigiinnit qimagunnerminnut pissutaatippaat.
Sunnimuslimit inatsisartuni ilaasortaatitaat 44-pput, taakkulu inatsisartuni ilaasortaaginnarnissaat siunniunneqarpoq.
- Politkkikkut suliagut ingerlatiinnassavagut. Aaqqissuusseqqittoqarnissaa neriuutigaarput, inuiaqatigiillu akornanni avissaartuuttoqarnerup aaqqiivigineqarnissaa suleqatigiissutiginiarparput, sunnimuslimit inatsisartuni ilaasortaatitaasa ilaat Rafie al-Issawi pilersaarutinik saqqummiussinermi oqarpoq.