Sunngiffimmi aalisartartut ullumi tallimanngornermi kapisilinniarunnaassapput

Sunngiffimmi aalisartartunut ukioq manna kapisilittassiissutit 10 tonsiusut tamakkerlugit aalisarneqarsimalersut nalunaarutigineqarpoq, sunngiffimmi aalisartartut ullumi oktobarip ulluisa 19-ianni kapisilinniarunnaassapput.

Kapisilinnut qassutit tamarmik ullumi qaqinneqareersimassasut, Kalaallit Nunaanni Aalisarnermut Akuersissutinik Nakkutilliisoqarfik taama ilisimatitsivoq.

Sunngiffimmi aalisartartut kapisilittatik Aalisarsinnaanermut Akuersissutinik Nakkutilliisoqarfimmut taassuma saniatigut nalunaarutigisassavaat.

Sunngiffimmi aalisartartut kapisilinniarnissamut akuersissuteqarlutik allagartallit kapisilinniaraluarlutik pisaqarsimanngitsut kapisilittanut nalunaarsuiffissaq 0-imik nalunaarlugu nassiutissavaat.

Nalunaarfissaq; KANUAANA, Postboks 501, 3900 Nuuk, Telefax 34 63 60 imaluunniit e-mail-ikkut uunga gflk@nanoq gl